وَٱلَّيْلِ إِذَا يَغْشَىٰ

Alle wuxuu ku dhaartay habeenku markuu wax qariyo.

وَٱلنَّهَارِ إِذَا تَجَلَّىٰ

Iyo markay maalintu muuqato (ifto).

وَمَا خَلَقَ ٱلذَّكَرَ وَٱلْأُنثَىٰٓ

Iyo abuuridda dadka lab iyo dhaddigba.

إِنَّ سَعْيَكُمْ لَشَتَّىٰ

In camalkiinnu (dadow) kala duwan yahay.

فَأَمَّا مَنْ أَعْطَىٰ وَٱتَّقَىٰ

Ruuxiise bixiya (xuquuqda), Alle na ka dhawrsada.

وَصَدَّقَ بِٱلْحُسْنَىٰ

Rumeeyana tii wanaagga badnayd (oo laga wado abaalmarinta wanaagsan).

فَسَنُيَسِّرُهُۥ لِلْيُسْرَىٰ

Waxaannu u fududaynaa wanaagga (iyo jidka fiican).

وَأَمَّا مَنۢ بَخِلَ وَٱسْتَغْنَىٰ

Ruuxiise ku bakhayla xoolaha isna deeqtoonaysiiya (iskibriya).

وَكَذَّبَ بِٱلْحُسْنَىٰ

Beeniyana tii wanaagga badnayd (oo laga wado abaalmarinta wanaagsan).

فَسَنُيَسِّرُهُۥ لِلْعُسْرَىٰ

Waxaan u fududaynaa jidka xun.

وَمَا يُغْنِى عَنْهُ مَالُهُۥٓ إِذَا تَرَدَّىٰٓ

Xoolihiisuna wax uma taraan markuu halaagsamo.

إِنَّ عَلَيْنَا لَلْهُدَىٰ

Annagaa wax hannuninna.

وَإِنَّ لَنَا لَلْـَٔاخِرَةَ وَٱلْأُولَىٰ

Aakhariyo addunbana annagaa iska leh.

فَأَنذَرْتُكُمْ نَارًا تَلَظَّىٰ

Waxaana idiinka digayaa naar kulayl daran.

لَا يَصْلَىٰهَآ إِلَّا ٱلْأَشْقَى

Oosan galaynin ruux xun mooyeen.

ٱلَّذِى كَذَّبَ وَتَوَلَّىٰ

Oo xaqa beeniyay jeedsadayna.

وَسَيُجَنَّبُهَا ٱلْأَتْقَى

Waxaana ka fogaada (galidda naarta) ruuxii Alle ka dhawrsada.

ٱلَّذِى يُؤْتِى مَالَهُۥ يَتَزَكَّىٰ

Ee bixiya xoolihiisa si uu u daahir noqdo.

وَمَا لِأَحَدٍ عِندَهُۥ مِن نِّعْمَةٍ تُجْزَىٰٓ

Ruux wax ugu nicmeeyayna oo uu abaalmarinna ma uusan jirin.

إِلَّا ٱبْتِغَآءَ وَجْهِ رَبِّهِ ٱلْأَعْلَىٰ

Ee wuxuu u bixin Rabbigiisa sarreeya dartii.