Suuradda Ad-Duhaa

وَٱلضُّحَىٰ

Alle wuxuu ku dhaartay barqinka.

وَٱلَّيْلِ إِذَا سَجَىٰ

Iyo habeenku markuu xasilo (madoobaado).

مَا وَدَّعَكَ رَبُّكَ وَمَا قَلَىٰ

Inaan Alle kaa tagin Nabiyow kuuna cadhoonin.

وَلَلْـَٔاخِرَةُ خَيْرٌ لَّكَ مِنَ ٱلْأُولَىٰ

Aakharaana kaaga khayr badan adduunka.

وَلَسَوْفَ يُعْطِيكَ رَبُّكَ فَتَرْضَىٰٓ

Rabbigaa ayaana ku siin doona (wanaag) waadna raalli noqon.

أَلَمْ يَجِدْكَ يَتِيمًا فَـَٔاوَىٰ

Miyuusan ku helin Allehaa adigoo agoon ah oosan ku dhawaynin.

وَوَجَدَكَ ضَآلًّا فَهَدَىٰ

Miyuunase ku helin adigoo ku sugan waxa maanta aad ku sugan tahay wax aan aheyn, oosan ku hanuuninnin.

وَوَجَدَكَ عَآئِلًا فَأَغْنَىٰ

Miyuunase ku helin adigoo caydh ah oosna ku hodminin.

فَأَمَّا ٱلْيَتِيمَ فَلَا تَقْهَرْ

Ee agoonta ha xoogin (hana dhibin).

وَأَمَّا ٱلسَّآئِلَ فَلَا تَنْهَرْ

Ka wax su’aalina ha canaanan.

وَأَمَّا بِنِعْمَةِ رَبِّكَ فَحَدِّثْ

Nicmada Rabbigaana ka sheekee (ku mahadi).